Mimo handiz atondu genuen eskolako sarrera, Adunako ezaugarri den auzolanari esker, batek lorontzia, besteak, sardea, nik badut etxean saskia….eta poliki poliki, gure sarrera, baserri baten ataria irudikatu nahiean, eskola Eskolenea baserria bihurtu genuen.
Bihotz bihotzez, eskerrak eman nahi dizkizuegu lauroi gure gonbidapena jaso eta prest azaldu izanagatik. Juan Kruzen familiak zuen Adunako telefono bakarra, Bibik aldiz, pelotan denei irabazten zien, Maddi ikasle garaitan, eskolako alde zaharrean egoten ziren eta Egoitz berriz, Uztartzan orain jantokia den lekuan jasotzen zituen eskolak….Zenbat aldatu den Aduna! Benetan, zuekin Aduna lehen nolakoa zen imajinatzera iritsi ginen, zuen txikitako abenturak entzutea zoragarria izan zen!
